Co obxecto de darlle a maior difusión entre os posibles beneficiarios do seu concello, diríxome a vostede para anunciarlle que Agader a través do DOG publicará o 29 de xaneiro de 2025 unha nova convocatoria de axudas dirixida á “ampliación e modernización de pequenas empresas que desenvolven actividades non agrarias”.
O prazo de presentación de solicitudes será de 1 mes dende a data da publicación.
Os proxectos poderanse localizar en calquera territorio de Galicia, agás nas seguintes parroquias :
| Parroquia | Concello | Parroquia | Concello |
| TEMPLE (EL) (SANTA MARIA) | A Coruña | OURENSE | Ourense |
| CORUÑA (A) | A Coruña | MONTEALEGRE (LA MILAGROSA) | Ourense |
| OZA (SANTA MARIA DE) | A Coruña | VISTA FERMOSA (SAN XOSE) | Ourense |
| VIÑAS (SAN CRISTOBAL DAS) | A Coruña | PONTEVEDRA | Pontevedra |
| VISMA (SAN PEDRO DE) | A Coruña | LEREZ | Pontevedra |
| ALMEIRAS (SAN XIAN) | Culleredo | MOURENTE | Pontevedra |
| BURGO (O) (SANTIAGO) | Culleredo | SALCEDO | Pontevedra |
| RUTIS (SANTA MARIA) | Culleredo | VIRXE DO CAMIÑO (A) | Pontevedra |
| FERROL | Ferrol | POIO (SAN SALVADOR P.) | Poio |
| TRASANCOS (SANTA ICIA) | Ferrol | VIGO | Vigo |
| NARON | Narón | ALCABRE | Vigo |
| PERILLO (SANTA LEOCADIA) | Oleiros | CANDEAN | Vigo |
| SANTIAGO DE COMPOSTELA | Santiago Compostela | CASTRELOS | Vigo |
| SANTIAGO (SAN CAETANO) | Santiago Compostela | COMESAÑA | Vigo |
| SANTIAGO (SAN LAZARO) | Santiago Compostela | FREIXEIRO | Vigo |
| SANTIAGO (SAN XOAN DE FORA) | Santiago Compostela | LAVADORES | Vigo |
| LUGO | Lugo | NAVIA | Vigo |
| VALENZA (A) (SAN BERNABE) | Barbadás | SARDOMA | Vigo |
| TEIS | Vigo |
A convocatoria será moi similar á publicada no ano 2023: https://www.xunta.gal/dog/Publicados/2023/20230130/AnuncioO90-301222-0003_es.pdf
A concesión de axudas será en concorrencia competitiva e os promotores en ningún caso poderán ter iniciados os investimentos antes da data da solicitude de axuda.
Beneficiarios:
1. As microempresas e pequenas empresas ubicadas en zona rural
2. Persoas físicas que residan nunha zona rural.
Proxectos Subvencionables:
Os proxectos deben ter un orzamento elixible superior a 20.000 € e inferior a 250.000 €. No caso de proxectos promovidos no sector da artesanía, os límites anteriores quedan establecidos en 5.000 € e 100.000 € respectivamente.
Adquisición de bens de equipo co obxectivo de mellorar, ampliar e/ou modernizar pequenas empresas que desenvolven actividades produtivas non agrarias nos seguintes sectores e ámbitos de actividade:
1º) Industrias, fábricas e locais destinados á produción de bens e materiais. Non obstante o anterior, os investimentos relacionados coa utilización da madeira como materia prima ou fonte de enerxía limitaranse ás operacións de segunda transformación.
2º) Transformación e/ou comercialización de produtos agrarios.
Non obstante o anterior, para este sector de actividade excluiranse aqueles proxectos cun orzamento elixible superior a 100.000 €.
3º) Prestación de servizos en calquera sector económico, con exclusión das empresas de servizos agrícolas e forestais, e das empresas de servizos enerxéticos, así como das empresas que presten servicios nos sectores de hotelería (incluíndo todo tipo de empresas de aloxamento turístico), hostalería e restauración.
4º) Prestación de servizos sociais (garderías, coidado de anciáns, de persoas con discapacidade, granxas-escola…).
5º) Actividades de ocio, recreativas e deportivas
6º) Artesanía e actividades artesanais.
7º) Actividades nos sectores da enxeñaría, arquitectura, servizos técnicos, limpeza industrial e veterinaria.
8º) Comercio polo miúdo.
Gastos Subvencionables
Con carácter xeral, será subvencionable a compra de maquinaria e equipamentos novos afectos á actividade empresarial, e que sexan necesarios para desenvolvemento da actividade produtiva da empresa.
Importe da Axuda
45% dos gastos subvencionables
Para calquera dúbida os promotores poden pórse en contacto con nós a través do enderezo electrónico: infoagader@xunta.gal ou nos teléfonos: 981547369 – 981540140- 881997263