Descubre Meira en calquera época do ano.

Aloxamentos acolledores

Meira ten á túa disposición acolledoras casas de turismo rural para que poidas gozar do teu tempo de lecer do mellor xeito.

Aloxamentos rurais adaptados ás túas necesidades, rodeados de paisaxes cheas de natureza, arquitectura e cultura. Aloxamentos cheos de encanto, decorados cun gusto exquisito e onde a amabilidade dos propietarios fará que te sintas como na túa casa.

Meira é ideal para un turismo rural de calidade. Calquera época do ano é axeitada para achegarse e sorprenderse con cada un dos nosos recunchos. Toda a comarca está chea de tesouros patrimoniais dignos de admiración.

Ven a descubrir fermosas áreas recreativas, facer rutas de sendeirismo e gozar de diferentes actividades de lecer ao aire libre, como rutas a cabalo. Ou simplemente relaxarse escoitando as augas cristalinas do Nacemento do Río Miño.

Un xeito diferente para as túas vacacións, onde tamén podes saborear as delicias culinarias da nosa terra.